ریال مه‌درید به 100 ملیۆن یۆرۆ یاریزانێك ده‌گوازێته‌وه
چوامینی لەگەڵ یانه‌ی ریال مەدرید گەیشتە رێککەوتن بەرامبەر ١٠٠ ملیۆن یۆرۆ پەیوەندی بە ریزەکانی یانە ئیسپانییەکە دەکات.
داڤید ئۆرنستین رۆژنامەنووسی بەناوبانگ و پەیامنێری ماڵپەڕی زە ئەتلەتیکی ئەمریکی ئاشکرایکردووە، ریال مەدرید لەگەڵ ئۆریلێن چوامینی یاریزانی لاوی مۆناکۆی فەرەنسی گەیشتووەتە رێککەوتن ئەو ناوەڕاستکارە فەرەنسییە بەرامبەر ١٠٠ ملیۆن یۆرۆ پەیوەندی بە ریزەکانی لۆس بلانکۆس دەکات و هەردوولا گەیشتوونەتە رێککەوتنی کۆتایی.
رۆژنامەی ئاسی ئیسپانیش هەر ئەمڕۆ رایگەیاندووە، پاریس سانجێرمان کاغەزی سپی خستووەتە بەردەمی چوامینی بۆ ئەوەی پەیوەندی بە ریزەکانی یانە فەرەنسییەکە بکات، کە ریال مەدرید و پاریس سانجێرمان رکابەریی لەسەر ئەو یاریزانە ٢٢ ساڵانە دەکەن، کە وەرزی رابردوو لە ٥٠ یاری پێنج گۆڵ و سێ ئەسیستی کردووە.
چوامینی به‌ڕه‌سه‌ن كامیرۆنیه، به‌ڵام هه‌رزوو هه‌ڵبژارده‌ی فه‌ره‌نسا ئه‌م یاریزانه‌ی بانگهێشت كرد و له‌ژێر چنگی كامیرۆن ده‌ریهێنا، سه‌ره‌تا له یانه‌ی بۆردی فه‌ره‌نسا ده‌ركه‌وت، دواتر له 2020 به‌رامبه‌ر 14 ملیۆن یۆرۆ بۆ یانه‌ی مۆناكۆ گواسترایه‌وه و ده‌ره‌وشایه‌وه.
