شاندێکی خانمانی کوردستان لە بۆسنایە
K24 – هەولێر
شاندێکی خانمانی هەرێمی کوردستان کە لە نوێنەری چەند دامەزراوەی فەرمی پێکهاتوون، سەردانی بۆسنایان کردووە، لەگەڵ رێکخراوی میدیکا زینکا گفتوگۆیان لەبارەی کارکردن و سوودوەرگرتن لە ئەزموونی لەیەکچوو و جیاوازییەکان و چۆنیەتی مامەڵەکردن لەگەڵ کەیسی رزگاربووانی دەستدرێژی سێکسی بۆسەر ژن و کچان دەکەن.
بەگویڕەی راگەیەندراوی ئەنجومەنی باڵای خانمان و گەشەپێدان، رۆژی 6ی حوزەیران 2022، شاندێکیان بۆ گەشەپێدانی مرۆیی، بە هاوکاری میدیکا مۆندیال، سەردانی بۆسنای کردووە، بۆ بەشداریکردن لە گفتووگۆ و لێتێگەیشتن لەگەڵ رێکخراوی میدیکا زینکا، کارکردن و سوودوەرگرتن لە ئەزموونی لەیەکچوو، جیاوازییەکان و چۆنیەتی مامەڵەکردن لەگەڵ کەیسی رزگاربووانی دەستدرێژی سێکسی بۆسەر ژن و کچان لە کاتی جەنگ و ململانێیەکان.
ئاماژە بەوەشکراوە، شاندەکە پێکهاتبوو لە ئەمینداری ئەنجومەنی باڵای خانمان و گەشەپێدان، نوێنەری وەزارەتی کاروکاروباری کۆمەڵایەتی،. نوێنەری فەرمانگەی پەیوەندییەکانی دەرەوە و نوێنەری ئێزدییەکان، کەسانی شارەزا و بە ئەزموون لەبواری جینۆساید و دەستدرێژی سێکسی لەکاتی جەنگ و ململانێیەکان.
ئەوەشخراوەتەروو، رۆژی یەکەمی گەیشتنی شاندەکە بۆ بۆسنا، سەردانی ئۆفیسی سەرەکی رێکخراوی میدیکا زینکای کردووە لە زینکا، سەرەتای دەستپێکردنی چالاکی و بەرنامەی کارەکان پێشکەشکردنی کورتەیەک بوو لەبارەی رێکخراوەکە، هەروەها باسیان لە پێکەوە کارکردن کردووە.
ئەو چالاکییە لە لایەن رێکخراوی "ئێمە" رێکخراوە.