بزوتنه‌وه‌ى ئيسلامى خۆى بۆ كۆنگره ئاماده ده‌كات
K24 – هه‌ولێر:
بزووتنەوەى ئیسلامى بەهۆى ئه‌م قەیرانه داراییه‌ی هه‌رێمی کوردستانی گرتووه‌ته‌وه، ماوە ساڵێكە واده‌ی به‌ڕێوه‌چوونی كۆنگره‌ی حزبه‌كه‌ی دواخستووە.
دواجار ئەو حزبە خۆى بۆ یازدەمین کۆنگرە ئامادە كردووه و بڕیارە ئەمجارەیان لە پارێزگاى سلێمانى و لە 10ى ته‌مموزدا كۆنگره‌ی خۆی به‌ڕێوه‌ببات، كه هه‌ر یه‌ك له عیرفان عبد العزیز و کامیل حاجى عەلى خۆیان بۆ پۆستى رابه‌رى بزووتنەوەی ئیسلامی کاندید كردووە.
بزووتنەوەى ئیسلامى بۆ یه‌كه‌مجار لەساڵى 16/5/1987 لە ئۆردوگاى سه‌ریاس لە سەردەستى عوسمان عه‌بدولعه‌زیز لە ئێران راگەیاندرا، چاوەڕوانیش دەکرێت لە پرۆژەکانى یازده‌هه‌مین كۆنگره‌ی بزووتنه‌وه‌ی جارێکیتر هه‌وڵی هاوپەیمانى نێوان هەرسێ حزبە ئیسلامییەکانى کوردستان بخرێته‌وه به‌ر باس.