ڤۆن دێرلاین گەیشتە کیێڤ

"ئەوروپا لەگەڵ ئێوەیە"
ڤۆن دێرلاین، سەرۆکی کۆمیسیۆنی ئەوروپا
ڤۆن دێرلاین، سەرۆکی کۆمیسیۆنی ئەوروپا

K24 - هەولێر:

ئەمڕۆ شەممە 11ـی حوزەیرانی 2022، ئۆرسۆلا ڤۆندێر لاين، سەرۆکی کۆمسیۆنی یەکێتی ئەوروپا گەیشتە کیێڤ و لەگەڵ زیلێنسکی کۆدەبێتەوە.

بە گوێرەی هەواڵێكی ئاژانسی فرانس پرێس، ڤۆن دێرلاین لەگەڵ زیلێنسکی بۆ تاووتوێکردنی ئەندامێتیی ئۆکرانیا لە یەکێتی ئەوروپا، گەیشتە کیێڤ و لەگەڵ سەرۆکی ئۆکرانیا کۆدەبێتەوە.

ڤۆن دێرلاین لە تویتێکدا رایگەیاند، "لەگەڵ سەرۆک زیلێنسکی باس لەو کارە هاوبەشانە دەکەم کە پێویستن بۆ ئاوەدانکردنەوە و بەرەوپێشچوونی ئۆکرانیا لە هەوڵەکانیدا بۆ چوونە نێو یەکێتی ئەوروپاوە. ئەوروپا لەگەڵ ئێوەیە".