سهرۆك بارزانی: رێز له بڕیارهكهی موقتهدا سهدر دهگرین
K24 - ههولێر:
سهرۆك مهسعود بارزانی له ههژماری تایبهتی خۆی له تۆڕی كۆمهڵایهتی تویتهر راگهیاند، رێز له بڕیارهكهی بهڕێز موقتهدا سهدر دهگرین و چاودێری پهرهسهندنهكانی داهاتوو دهكهین.
دوێنێ موقتەدا سەدر، رێبهری رهوتی سهدر لە رێگهی تەلەفۆنەوە پەیوەندی بە سەرۆك بارزانیییهوه کرد و هەردوولا بارودۆخی عێراق و دوا پێشهاتەکانی ناو پڕۆسەی سیاسیان تاوتوێکرد.
دوای پهیوهندییه تهلهفۆنییهكه، رێبهری رهوتی سهدر رایگهیاند، داوای له كوتلهی سهدر كردووه، له ئهنجوومهنی نوێنهرانی عێراق دهستلهكاربكێشنهوه، دواتر سهرۆكی پهرلهمانی عێراق دهستلهكاركێشانهوهی سهرجهم پهرلهمانتارانی كوتلهی سهدری پهسهند كرد.
دوای هەڵبژاردنی ئهنجوومهنی نوێنهرانی عێراق، پارتی دیموکراتی کوردستان لهگهڵ رەوتی سەدر و هاوپەیمانی سیادەی سوننەکان، وەك براوەی هەڵبژاردن گهورهترین هاوپەیمانێتییان بهناوی "رزگاری نیشتمانی" پێکهێنابوو.
نحترم قرار سماحة السيد مقتدى الصدر وسنتابع التطورات اللاحقة.
— Masoud Barzani (@masoud_barzani) June 13, 2022