دژە تیرۆری کوردستان: تورکیا بارەگای هێزەکانی یەبەشەی لە سنونێ بۆردومان کرد
K24 - هەولێر:
ئەمڕۆ چوارشەممە 15ـی حوزەیرانی 2022، فڕۆکەکانی تورکیا بارەگای هێزەکانی "یەبەشە"ـی لە ناحیەی سنونێ سەربە قەزی شنگال بۆردومان کرد.
بە گوێرەی زانیاریەکانی پەیامنێری کوردستان24، بۆردومانەکە بە فڕۆکەی بێ فڕۆکەوان بووە و بۆردومانەکە کوژرانی شەش کەسی لێکەوتووەتەوە.
هاوکات دژە تیرۆری کوردستان رایگەیاند، فڕۆکە جەنگییەکانی تورکیا بارەگایەکی چەکدارانی پەکەکەیان لە ناحیەی سنوونێ لە قەزای شنگال بۆردومان کرد و زیانی گیانی و ماددی لێ کەوتەوە.
یەکینەکانی بەرخۆدانی شەنگال "یەبەشە"ـی سەربە پەکەکە لە چەند ناوچەیەکی سنووری شنگال بنکە و بارەگایان هەیە و لە ماوەی رابردوودا لەگەڵ سوپای عێراقدا گرژی و ئاڵۆزی لە نێوانیان دروست بوو، کە بووەهۆی ئاوارەبوونی ژمارەیەکی زۆری هاووڵاتی ئەو ناوچەیە بەرەو پارێزگای دهۆک.