رفێندراوێكی دیكه‌ی ده‌ستی داعش رزگاركرا

له‌ چه‌ند كاتژمێری داهاتوودا ده‌گاته‌وه‌ ناو كه‌سوكاره‌كه‌ی
كچه‌ رزگاركراوه‌كه‌ی ده‌ست داعش
كچه‌ رزگاركراوه‌كه‌ی ده‌ست داعش

K24- دهۆك:

كچێكی دیكه‌ی كوردی ئێزیدی كه‌ له‌ كاتی هێرشی داعش بۆ سه‌ر شنگال و ناوچه‌كانی ده‌وروبه‌ری له‌ ساڵی 2014 له‌لایه‌ن چه‌كدارانی ئه‌و رێكخراوه‌ رفێندرابوو، ئه‌مڕۆ رزگاركرا.

به‌گوێره‌ی زانیارییه‌كانی كوردستان24، ئه‌و كچه‌ ناوی "رۆسیتا حه‌جی باچۆ"ـیه‌ و ته‌مه‌نی 16 ساڵه‌ و خه‌ڵكی كۆمه‌ڵگه‌ی "ته‌ل قه‌سه‌ب"ی سه‌ر به قه‌زای شنگاله‌، له‌ وڵاتی سووریا رزگاركراوه‌.

له‌وباره‌یه‌وه‌ حوسێن قایدی، به‌رپرسی نووسینگه‌ی رزگاركراوانی ده‌ستی داعش هه‌واڵه‌كه‌ی بۆ كوردستان24 پشتڕاست كرده‌وه‌ و رایگه‌یاند، له‌ ماوه‌ی چه‌ند كاتژمێری داهاتوودا، كچه‌ رزگاركراوه‌كه‌ ده‌گاته‌وه‌ و به‌ كه‌سوكاره‌كه‌ی شاد ده‌بێته‌وه‌.

H.B