هۆشیار زێباری: مووشه‌كبارانكردنی كێڵگه نه‌وتییه‌كان فشارێكه بۆ ئه‌وه‌ی هه‌رێم بخه‌نه‌سه‌ر ئه‌ژنۆ
K24 - هه‌ولێر:
ئه‌ندامێكی مه‌كته‌بی سیاسی پارتی دیموكراتی كوردستان ئاشكرای كرد، مووشه‌كبارانكردنی كێڵگه نه‌وتییه‌كان، فشارێكه بۆ ئه‌وه‌ی هه‌رێمی كوردستان بخه‌نه‌سه‌ر ئه‌ژنۆ.
هۆشیار زێباری، ئه‌ندامی مه‌كته‌بی سیاسی پارتی دیموكراتی كوردستان له هه‌ژماری تایبه‌تی خۆی له تویته‌ر رایگه‌یاند، مووشه‌كبارانكردنی كێڵگه نه‌وتییه‌كانی هه‌رێمی كوردستان له هه‌ولێر، ناحییه‌ی خه‌بات و كۆمه‌ڵگه‌ی كۆرمۆر له ناحیه‌ی قادر كه‌ره‌م له سنووری پارێزگای سلێمانی، جه‌خت له‌وه ده‌كاته‌وه، هێزه میلیشیاكانی به‌غدا جیاوازی له نێوان پارێزگاكانی هه‌رێمی كوردستان ناكه‌ن.
هۆشیار زێباری له تویته‌ر راشیگه‌یاند، ئامانج له مووشه‌كبارانكردنی هه‌رێمی كوردستان، بۆ ئه‌وه‌یه چۆكدابده‌ین.
ماوه‌یه‌كه كێڵگه نه‌وتییه‌كانی هه‌رێمی كوردستان له پارێزگای سلێمانی و هه‌ولێر به مووشه‌ك ده‌كرێنه ئامانج، حكومه‌تی هه‌رێمی كوردستان له رێگه‌ی به‌یاننامه فه‌رمییه‌كانی داوا ده‌كات به‌غدا رێگری له‌و هێرشانه بكات.
عمليات القصف الصاروخي لمنشأت نفطية و غازية في الاقليم من اربيل و ناحية خبات لشركة كار سابقا والى قصف مجمع كورمور للنفط والغاز في قادر كرم في محافظة السليمانية يؤكد حقيقة بسيطة بان القوى المليشاياوية في بغداد لا تفرق بين المحافظتين وهدفها الاسمى تركيع اقليم كردستان لسلطانها .
— Hoshyar Zebari (@HoshyarZebari) June 24, 2022