شاندێكی پارێزگای هه‌ولێر له‌ كۆتدیڤواره‌

"له‌باره‌ی به‌ره‌نگاربوونه‌وه‌ی گۆرانكارییه‌كانی كه‌شوهه‌وا له‌سه‌ر ئاستی جیهان و وشكه‌ ساڵی و كاریگه‌رییه‌ نه‌رێنیه‌كان و كه‌مكردنه‌وه‌ی زیانه‌كانی گفتوگۆكرا"
شاندێكی پارێزگای هه‌ولێر له‌ كۆتدیڤوارن
شاندێكی پارێزگای هه‌ولێر له‌ كۆتدیڤوارن

K24 - هەولێر:

پارێزگای هه‌ولێر ئاشكرایكرد، به‌ سه‌رۆكایه‌تی جێگری پارێزگاری هه‌ولێر و تیمێكی هونه‌ری، شاندێك بۆ به‌شداری له‌ دوو كۆنگره‌ له‌ هه‌رێمی ئه‌بیدجان له‌ كۆتدیڤواره‌.

راگه‌یاندنی پارێزگای هه‌ولێر راگه‌یه‌ندراوێكی بڵاوكرده‌وه‌، تییدا هاتووه‌، به‌سه‌رۆكایه‌تی هێمن قادر، جێگری پارێزگاری هه‌ولێر و تیمێكی ئه‌ندازه‌یی و هونه‌ری بۆ به‌شداری له‌ دوو كۆنگره‌ له‌ هه‌رێمی ( ئه‌بیدجان)ی وڵاتی كۆتیدڤوارن.

به‌ گوێره‌ی زانیارییه‌كانی راگه‌یه‌ندراوه‌كه‌ی پارێزگای هه‌ولێر  شانده‌كه‌ به‌شداریان له‌ دوو كۆنگره‌دا كردووه‌، یه‌كه‌میان كۆنگره‌ی  (AiMF) رێكخراوی نێوده‌وڵه‌تی شاره‌وانییه‌ فرانكفۆرتییەکان و ماوه‌ی سێ رۆژی خایاند، كه‌ له‌لایه‌ن سه‌رۆكی شاره‌وانی پاریس سه‌رۆكایه‌تی ده‌كرا و هه‌ولێر ئه‌ندامی فیعلیه‌ له‌و رێكخراوه‌دا.

دووه‌م: كۆنگره‌ی (cop of cities)  كه‌ ماوه‌ی دوو رۆژی خایاند و شاره‌وانییه‌ فرانكفۆرتییه‌كان به‌شداربوون تێدا، ناوه‌رۆكی كۆبوونه‌وه‌و پانێل و دانیشتنه‌كانیش له‌لایه‌ن كه‌سانی پسپۆرو شاره‌زا سه‌رپه‌رشتی ده‌كراو جه‌خت له‌سه‌ر پرسی ئابوری و پلانی هه‌لی كارو بایه‌خدان به‌ سه‌وزایی و پاراستنی ژینگه‌ كرایه‌وه‌.

پارێزگای هه‌ولێر ئه‌وه‌شی خستووه‌ته‌ڕوو،‌ ته‌وه‌ری سه‌ره‌كی كۆنگره‌كه قسه‌كردن بوو له‌سه‌ر به‌ره‌نگاربوونه‌وه‌ی گۆرانكارییه‌كانی كه‌شوهه‌وا له‌سه‌ر ئاستی جیهان و وشكه‌ ساڵی و كاریگه‌رییه‌ نه‌رێنیه‌كان و كه‌مكردنه‌وه‌ی زیانه‌كانی.

87
6