له‌ سوید ژنێك به‌ چه‌قۆ كوژرا

دیمه‌نێكی رووداوه‌كه‌
دیمه‌نێكی رووداوه‌كه‌

K24 – هه‌ولێر:

پۆلیسی سوید رایگه‌یاند، ئه‌مڕۆ چوارشه‌ممه‌ له دوورگه‌ی گۆتلاند، له‌ چوارچێوه‌ی چالاكییه‌كی سیاسییدا كه‌ هه‌فته‌یه‌ك ده‌خایه‌نێت، ژنێك ته‌مه‌ن شه‌ست ساڵیی به‌ چه‌قۆ كوژرا.

تاوانه‌كه‌ ئه‌و كاته‌ روویدا، كه‌ ژماره‌یه‌ك حزب و لایه‌نی سیاسیی سویدی له‌ شاری ڤیسبی كۆبوونه‌وه‌ و سه‌رقاڵی چالاكییه‌كی سیاسیی بوون.

فریدریك بیرسۆن، فه‌رمانده‌ی پۆلیسی شاره‌كه‌ رایگه‌یاند، ئه‌و ژنه‌ له‌ ده‌یه‌ی شه‌سته‌كانی ته‌مه‌نیدا بووه‌ و ژماره‌یه‌ك چه‌قۆی لێدراوه‌ و به‌ هۆی كاریگه‌ری برینه‌كه‌یه‌وه‌ گیانی سپاردووه‌.

به‌ گوێره‌ی راگه‌یه‌ندراوی پۆلیسی سوید، بكوژی ئه‌و ژنه‌ ده‌ستبه‌سه‌ر كراوه‌ و ته‌مه‌نی 33 ساڵه‌.

پۆلیس له‌ باره‌ی ورده‌كاری رووداوه‌كه‌ و ناسنامه‌ی ژنه‌ كوژراوه‌كه‌ و بكوژه‌كه‌وه‌ هیچ زانیارییه‌كی رانه‌گه‌یاندووه‌.

65436
654365
6542364
23454