سەركردایەتی ھاوبەشی یەكێتی و گۆڕان كۆدەبنەوە
K24 - سلێمانی
كەمێك پێش ئێستا شاندی بزوتنەوەی گۆڕان بە سەرۆكایەتی نەوشیروان مستەفا گەیشتە مەكتەبی سیاسی یەكێتی بڕیارە سەركردایەتی ھاوبەشی یەكێتی نیشتمانی كوردستان و بزوتنەوەی گۆڕان لە یەكەم كۆبوونەوەیاندا باس لەكاركردنی ھاوبەشی داھاتوویان و چەند تەوەرێكی ھەنوكەیی لە كوردستان بكەن.
پەیامنێری (كوردستان24) لە سلێمانی رایگەیاند: "بڕیارە لەو كۆبوونەوەیە لیژنەیەك دیاربكرێت بۆ ئەوەی پەیڕە و بۆ سەركردایەتی ھاوبەش دابڕێژێت، دواتر چەند لیژنەیەك بۆ جێبەجێكردنی رێككەوتنامەكەی دەباشان دابنرێن".
گوتیشی: "بڕیارە لە كۆبوونەوەكەی ئەمڕۆدا یەكێتی و گۆڕان سەرۆكێك بۆ سەركردایەتی ھاوبەش دیاربكەن، دەنگۆی ئەوە ھەیە كە نەوشیروان مستەفا، دەكرێت بە سەرۆكی ئەو سەركردایەتییە".