سەركردایەتی ھاوبەشی یەكێتی و گۆڕان لەگەڵ پەرلەمانتارانی ھەردوولا كۆدەبنەوە
K24 - سلێمانی
لە بارەگای مەكتەبی سیاسی یەكێتی لە سلێمانی سەركردایەتی ھاوبەشی یەكێتی نیشتمانی كوردستان و بزوتنەوەی گۆڕان لەگەڵ فراكسیۆنەكانی ھەردوولا لە پەرلەمانی كوردستان كۆ دەبنەوە.
پەیامنێری (كوردستان24) لە سلێمانی رایگەیاند: "كۆبوونەوەكەی سەركردایەتی ھاوبەشی یەكێتی و گۆڕان بە سەرپەرشتی نەوشیروان مستەفا و ھێرۆ ئیبراھیم ئەحمدە و لە ئێستادا كۆبوونەوەكە دەستیپێكردووە".
گوتیشی: "بە گوێرەی زانیارییەكان لە كۆبوونەوەكەدا باس لە كاركردنی ھاوبەشی فراكسیۆنەكانی یەكێتی و گۆڕان دەكرێت لە پەرلەمانی كوردستان كە لە رێككەوتننامەكەدا باسی لێوەكراوە، پێدەچێت دوای ئەم كۆبوونەوەیە ئەو دوو فراكسیۆنە لە پەرلەمان خاوەن یەك رابن لەھەموو پرسەكان".
ئەوەشی خستەڕوو: "بڕیارە لە رۆژانی داھاتوو سەركردایەتی ھاوبەشی یەكێتی و گۆڕان لەگەڵ فراكسیۆنەكانیان لە بەغدا كۆببنەوە".