ئاسایشی زاخۆ: نازانرێت تۆپبارانه‌كه‌ چ لایه‌نێك كردوویه‌تی

K24 – هه‌ولێر:

سه‌رچاوه‌یه‌ك له‌ ئاسایشی زاخۆ بۆ كوردستان24 رایگه‌یاند، تا ئێستا نازانرێت چ لایه‌نێك تۆپبارانی گه‌شتیارانی كردووه‌.

ئه‌مڕۆ له‌ ئاكامی تۆپبارانی ناوچه‌ی گه‌شتیاری "په‌رخی" له‌ قه‌زای زاخۆ، 8 هاووڵاتی شه‌هید بوون و 24 هاووڵاتی دیكه‌ بریندار بوون.

له‌ باره‌ی ناسنامه‌ی ئه‌و لایه‌نه‌ی تۆپبارانه‌كه‌ی كردووه‌، سه‌رچاوه‌یه‌ك له‌ ئاسایشی زاخۆ رایگه‌یاند،  تا ئێستا نه‌زانراوه‌ چ لایه‌نێك تۆپبارانی ناوچه‌كه‌ی كردووه‌.

ئه‌و ناوچه‌ گه‌شتیارییه‌ی تۆپباران كراوه‌، ده‌كه‌وێته‌ سنووری زاخۆ و نزیكه‌ له‌ ناوچه‌ سنوورییه‌كانی توركیا و به‌ هۆی سه‌رنجڕاكێشی ناوچه‌كه‌وه‌ ژماره‌یه‌كی زۆری گه‌شتیاری عێراقی روویان تێكردبوو.