"پۆگبا بهرامبهر بارسێلۆنا یاری ناكات"
پۆل پۆگبا لە راهێنانەکانی یوڤێنتۆس تووشی پێکان بووە و رەنگە لە یارییەکەی بەرامبەر بارسێلۆنا ئامادە نەبێت.
رۆژنامەی لاگازێتا دێلۆ سپۆرتی ئیتاڵی بڵاویکردەوە پۆگبا لە راهێنانەکان هەستی بە ئازار کردووە و بە هاوکاری دوو لە کارگێڕانی یانەکە گەیەنراوەتە ژووری جلگۆڕین، بەڵام تا ئێستا یوڤێنتۆس ناوهڕۆكی پێکانەکەی بڵاو نەکردووەتەوە.
سەرچاوە ئیتاڵیەکە هێمای بۆ ئەوەش کردووە پێکانەکەی پۆگبا قوڕس نییە و رۆژێک یان دوو رۆژ پشوو وەردەگرێت و دەگەڕێتەوە راهێنانەکان.
لەلایەن خۆیەوە جیانلوکا دی مارزیۆ رۆژنامەنووس لە تۆڕی سکای سپۆرتی ئیتاڵیا نووسیویەتی: ئەستێرە فەرەنسیەکە لە مەشقەکانی بەیانیان راوەستاوە و یاریگای جێهیشتووە و هەستی بە ئازار کردووە لە ئەژنۆی، بەڵام پێکانەکەی مەترسیدار نییە.
بڕیارە یانهی یوڤێنتۆس لە بەرەبەیانی چوارشەممە لە ئەمریکا له یارییهكی دۆستانه رووبەڕووی بارسێلۆنا ببێتەوە.