سەرۆك بارزانی پێشوازی لە كونسوڵی گشتیی ئەڵمانیا لە هەولێر دەكات
K24 - هه‌ولێر:
سەرۆك مەسعود بارزانی ئه‌مڕۆ دووشەممە (25ی تەممووزی 2022) لە سەلاحەددین پێشوازی لە كلێمێنس زێمتنەر كونسوڵی گشتیی ئەڵمانیا لە هەولێر كرد، كە بە بۆنەی كۆتاییهاتنی ئەركەكەی و بە مەبەستی ماڵئاوایی سەردانی سەرۆك بارزانی كردبوو.
باره‌گای بارزانی بڵاویكرده‌وه، لە دیدارەكەدا بارودۆخی سیاسی و دواپێشهاتەكانی عێراق و ناوچەكە تاووتوێ كرا، كونسوڵی گشتیی ئەڵمانیا لە هەولێر سوپاسی حكومەت و دامەزراوەكانی دیكه‌ی هەرێمی كوردستانی كرد، كە لە ماوەی كاركردنیدا هاوكار و یارمەتیدرەری بوونە.
هەر لەو دیدارەدا كونسوڵی گشتیی ئەڵمانیا لە هەولێر سیاسەت و ئامادەیی وڵاتەكەی بۆ یارمەتیدانی حكومەتی هەرێم لە بوارە جۆراوجۆرەكان و بە تایبەت بابەتی چاكسازی خستەڕوو.
