ئه‌مشه‌و ئه‌نجامی تاقیكردنه‌وه‌كانی خولی یه‌كه‌می دوازده‌ی ئاماده‌یی راده‌گه‌یه‌ندرێت

لۆگۆی وه‌زاره‌تی په‌روه‌رده‌
لۆگۆی وه‌زاره‌تی په‌روه‌رده‌

K24 – هه‌ولێر:

وه‌زاره‌تی په‌روه‌رده‌ی حكومه‌تی هه‌رێمی كوردستان ئه‌نجامی خولی یه‌كه‌می تاقیكردنه‌وه‌ی پۆلی دوازده‌ی ئاماده‌یی بڵاوده‌كاته‌وه‌.

به‌ گوێره‌ی زانیاری كوردستان24، بڕیاره‌ كاتژمێر (08:00)ی ئه‌مشه‌و، له‌ كۆنگره‌یه‌كی رۆژنامه‌وانیدا، ئه‌نجامی خولی یه‌كه‌می تاقیكردنه‌وه‌كانی پۆلی دوازده‌ی ئاماده‌یی رابگه‌یه‌ندرێت.

وه‌زیری په‌روه‌رده‌ی حكومه‌تی هه‌رێمی كوردستان وێڕای خستنه‌ڕووی ئه‌نجامه‌كان، ناوی یه‌كه‌مه‌كانی سه‌ر ئاستی هه‌رێم و پارێزگاكان له‌ ئاماده‌یی زانستی و وێژه‌یی و خوێندنی ئیسلامی و پیشه‌یی راده‌گه‌یه‌نێت.

تاقیكردنه‌وه‌ گشتییه‌كانی پۆلی 12ـی ئاماده‌یی 107 هه‌زار و 130 قوتابی تێیدا به‌شداربوون، كه‌ به‌سه‌ر 2 هه‌زار 175 هۆڵی تاقیكردنه‌وه‌ دابه‌شبووبوون.