موقتەدا سەدر داوایەك ئاراستەی نەتەوە یەکگرتووەکان دەکات
K24 - هەولێر:
ره‌وتی سه‌در داوا لە نەتەوە یەكگرتووەكان دەكات پاڵپشتی گەلی عێراق بکەن لەپێناو کۆتاییهێنان بەو گەندەڵییەی کە هەموو شتێکی تێکداوە.
لە راگەیەندراوەکەی رەوتی سەدر هاتووە، "هەمیشە بانگەوازی ئەوەمان کردووە، بوونی نەتەوە یەکگرتووەکان لە عێراق شەرمنانە نەبێت و ئەمڕۆش هیواخوازین نەرێنی نەبن".
"هەر بۆیە داوا لە نەتەوە یەکگرتووەکان دەکەین پشتیوانی گەل بن لەپێناو کۆتاییهێنان بە ئازارەکانی کە بەهۆی گەندەڵییەوە هەموو شتێکی تێکداوە." ئەمەش داواکاری موقتەدا سەدر بوو لە نەتەوە یەکگرتووەکان.
له دوێنێه‌وه له به‌غدا خۆپیشاندان ده‌ستیپێكردووه، به‌ره‌به‌یانی ئه‌مڕۆش خۆپیشانده‌ران روویان له ناوچه‌ی سه‌وزی به‌غدا كردووه، تا ئێستا نزیکەی 125 خۆپیشانده‌ر بریندار بوون، مسته‌فا كازمیش به‌ناوی فه‌رمانده‌ی گشتیی هێزه چه‌كداره‌كانی عێراق له راگه‌یه‌ندراوێكدا داوای له هێزه ئه‌منییه‌كان كردووه، خۆپیشانده‌ر بپارێزن، هاوكات داواش له خۆپیشانده‌ران ده‌كات پابه‌ندی خۆپیشاندانێكی ئاشتیانه بن له رێپێوانه‌كه‌یاندا.
بسمه تعالى
— وزير القائد - صالح محمد العراقي (@salih_m_iraqi) July 30, 2022
طالما دعونا أن لا يكون وجود الأمم المتحدة في العراق خجولاً
واليوم نأمل أن لا يكون سلبياً
لذا نطلب من الأمم المتحدة دعم الشعب من أجل إنهاء معاناته من الفـ*ـساد الذي أكل الأخضر واليابس كما يعبّرون.#الامم_المتحدة_مع_الشعب
وزير القائد
صالح محمد العراقي