هۆشیار زێباری لەسەر خۆپیشاندانەکانی عێراق هاتە دەنگ
K24 - هەولێر:
هۆشیار زێباری لە نوێترین تویتیدا بڕیارەکانی دادگای فیدراڵی کە لە دوای ئۆکتۆبەری 2021 دەرکران، بەهۆکاری رووداوەکانی ئێستای عێراق دەزانێت و دەڵێت: چی بچێنیت ئەوە دەدوریتەوە.
هۆشیار زێباری، ئەندامی مەکتەبی سیاسی پارتی و وەزیری پێشووی دارایی عێراق، دادگای فیدراڵی بە لایەنگیریکردن تۆمەتبار دەکات و باسی لەوە کرد، "ئەوەی ئەمڕۆ بەهۆی کورتبینی دادگای فیدراڵی لە رێگریکردن لە هێزە براوەکان لە هەڵبژاردنی پەرلەمانی بۆ پێکهێنانی حکومەتی زۆرینەی نیشتمانی روویدا".
وەزیری پێشووی دارایی عێراق، دیالۆگ و گەڕانەوە بۆ یاسا و دەستوور بە چارەسەر دادەنێت بۆ ئەم دۆخەی ئێستا عێراقی تێکەوتووە.
تحصد ما تزرعه. قرارات القضاء السابقة المتحيزة بعد انتخابات اكتوبر ٢٠٢١ هي السبب فيما حصل اليوم بسبب قصر النظر في حرمان القوى الفائزة في الانتخابات النيابية لتشكيل حكومة اغلبية وطنية . فتبا .. تبا للحرب الاهلية الشيعية . الحل هو الحوار والعودة الى القانون و الدستور ..
— Hoshyar Zebari (@HoshyarZebari) July 30, 2022