نەتەوە یەکگرتووەکان: بەنگییەرانییەکی قوڵەوە چاودێری بەردەوامی خۆپیشاندانەکانی عێراق دەکه‌ین
K24 - هه‌ولێر:
ئەنتۆنیۆ گۆتێریس، سکرتێری گشتیی نەتەوە یەکگرتووەکان له راگه‌یه‌ندراوێكدا داوای له لایه‌نه عێراقییه‌كان كرد، بە ئامانجی دوورکەوتنەوە لە زیادبوونی گرژی و ئاڵۆزییەکان و پاراستنی خۆپیشاندەران، رەوشەکە ھێوربکەنەوە و بەسەر ناکۆکییەکاندا زاڵبن.
له راگه‌یه‌ندراوه‌كه‌دا هاتووه: بەنگییەرانییەکی قوڵەوە چاودێری بەردەوامی خۆپیشاندانەکانی عێراق دەکه‌ین، کە تێیدا ژمارەیەک کەس برینداربوون، جەخت لەسەر ئازادی رادەبڕین و خۆپیشاندانی ئاشتییانەش دەکه‌ینه‌وه، كه مافێکی رەوایه و پێویستە بەردەوام رێزی لێ بگیرێت.
ئاماژە بەوەش كراوه، ھانی لایەنە عێراقییەکان دەده‌ین بەسەر ناکۆکییەکانیدا زاڵبن و بە گفتوگۆ حکومەتێکی نیشتمانیی کارا پێکبھێنن، کە داواکارییەکان بۆ چاکسازیی جێبەجێ بکات.
لایەنگرانی رەوتی سەدر دوێنێ دژی کاندیدکردنی محەمەد شیاع سوودانی بۆ پۆستی سەرۆکوەزیرانی عێراق لەلایەن چوارچێوەی ھەماھەنگییەوە، خۆپیشاندانیان كرد و چوونە ناوچەی سەوز و دواتر له‌ناو هۆڵی كۆبوونه‌وه‌ی ئەنجوومەنی نوێنەرانی عێراق و دەستیان بە مانگرتن کرد و تا ئێستاش مانگرتنه‌كه‌یان بەردەوامە.