ماکرۆن: نیگەرانین لە دۆخی عێراق
K24 – هەولێر
سەرۆک کۆماری فەرەنسا رایگەیاند، نیگەرانن لە دۆخی ئێستای عێراق و پشتیوانی لە دەستپێشخەرییەکەی کازمی دەکەن، بۆ گفتوگۆی نیشتمانی.
ئیمانوێل ماکرۆن، سەرۆک کۆماری فەرەنسا لە تویتێکدا ئاماژەی بەوەداوە، بە نیگەرانییەكی زۆرەوە لە دۆخی ئێستای عێراق دەڕوانێت و داواش لەسەرجەم لایەنەكان و خۆپیشاندەران دەكات ئارامی بپارێزن و دانبەخۆیاندا بگرن.
هەروەها ماکرۆن، پشتیوانی لە دەستپێشخەریەکەی مستەفا کازمی، سەرۆک وەزیرانی عێراق دەكات، بۆ گفتوگۆی نیشتمانی لەپێناو گەیشتن بە چارەسەرێکی سیاسی بۆ قەیرانی ئێستای عێراق.
دوێنێ 1/8/2022، مستەفا کازمی سەرۆک وەزیرانی عێراق راگەیەندراوێکی لەبارەی دۆخی ئێستای عێراق و خۆپیشاندانەکان بڵاوکردەوە و داوایکرد، ههموو لایهنهكان بگهڕێنهوه بۆ گفتوگۆی سیاسی و رهوشهكه هێور بكهنهوه و لهسهر بنهمای نیشتمانی بیر له چارهسهری كێشهكان بكرێتهوه.