به‌ ڤیدیۆ.. ته‌قینه‌وه‌یه‌ك كابولی هه‌ژاند

"زۆربه‌ی هاووڵاتیانی شیعه‌ مه‌زهه‌ب له‌و ناوچه‌یه‌دا كۆده‌بنه‌وه‌"
ته‌قینه‌وه‌یه‌ك كابولی هه‌ژاند
ته‌قینه‌وه‌یه‌ك كابولی هه‌ژاند

K24 - هه‌ولێر:

ئاژانسی هه‌واڵی رۆیته‌رز، ئه‌مڕۆ (شه‌ممه‌ 6ـی ئاب/ ئۆگێستی 2022) بڵاویكرده‌وه‌، بۆمبێك له‌ ناوه‌ڕاستی كابولی پایته‌ختی ئه‌فغانستان ته‌قییه‌وه‌، به‌ گوێره‌ی زانیارییه‌ سه‌ره‌تاییه‌كان 13 كوژراو و  30 برینداری زۆری لێكه‌وتووه‌ته‌وه‌.

ته‌قینه‌وه‌كه‌ له‌ شه‌قامێكی بازرگانی قه‌ره‌باڵغ له‌ رۆژئاوای كابول روویداوه‌، كه‌ زۆربه‌ی هاووڵاتیانی شیعه‌ مه‌زهه‌ب له‌و ناوچه‌یه‌دا كۆده‌بنه‌وه‌.

چه‌ند گرته‌یه‌كی ڤیدیۆیی له‌باره‌ی ته‌قینه‌وه‌كه‌ی ئه‌مڕۆی كابول له‌ تۆڕی كۆمه‌ڵایه‌تی تویته‌ر بڵاوبووه‌ته‌وه‌، پێده‌چێت دۆخی شاره‌كه‌ شێوابێت.

سه‌تاره‌ محه‌مه‌د، گوته‌بێژی ئه‌نجوومه‌نی ئیداره‌ی (هه‌زاره‌)ـی جیهانی، به‌ ئاژانسی رۆیته‌رزی راگه‌یاند، 24 كاتژمێر به‌سه‌ر ته‌قینه‌وه‌كه‌ی دوێنی كابول تێنه‌په‌ڕی، ئه‌مڕۆ دووباره‌ بۆمبێك له‌ مه‌یدانی (شه‌هید مه‌زار) له‌ كابول ته‌قییه‌وه‌.

هه‌روه‌ها روونیكرده‌وه‌، ته‌قینه‌وه‌كه‌ی ئه‌مڕۆ به‌ دووری یه‌ك كیلۆمه‌تر له‌ ته‌قینه‌وه‌كه‌ی دوێنێ روویدا، تا ئێستا هیچ گرووپێك به‌رپرسیارێتی ته‌قینه‌وه‌كه‌ی ئه‌مڕۆی كابولی له‌ ئه‌ستۆ نه‌گرتووه‌.

دوێنێ داعش ته‌قینه‌وه‌یه‌كی له‌ كابول ئه‌نجامدا، بووه‌ هۆی كوژرانی 8 كه‌س و برینداربوونی 18 ئه‌فغانی دیكه‌.