دابەشکردنی مووچە لە سلێمانی دوادەکەوێت

ئەمڕۆ تەنها مووچەی هێزەکانی ناوخۆ و خاوەن پێداویستییە تایبەتەکان دەدرێت
دابەشکردنی مووچە
دابەشکردنی مووچە

K24 - سلێمانی

بەهۆی نەبوونی پارە لە بانکەکان، دابەشکردنی فەرمانبەران لە سنووری سلێمانی بەراورد بە پارێزگاکانی هەولێر و دهۆک دواکەوتووە.

سەرچاوەیەک لە بانکی تانجەڕۆ کە نەیویست ناوی بنووسرێت بە کوردستان24ی راگەیاند: "بەهۆی نەبوونی پارە لە بانک، دوێنێ سێشەممە 9/8/2022، مووچەی هێزەکانی ناوخۆ و خاوەن پێداویستییە تایبەتەکان لە سلێمانی دابەش نەکرا، بۆیە ئەمڕۆ مووچەی ئەوان دەدرێت".

گوتیشی: "وەک لە خشتەی وەزارەتی دارایی هاتووە دەبوایە ئەمڕۆ مووچەی فەرمانبەرانی ژمارەیەک وەزارەت و دەستە دابەش بکرێت، بەڵام لە سلێمانی ئەمڕۆ تەنها مووچەی هێزەکانی ناوخۆ و خاوەن پێداویستییە تایبەتەکان دەدرێت، بەمەش ئێستا پڕۆسەی دابەشکردنی مووچە لە سلێمانی بەراورد بە هەولێر و دهۆک رۆژێک دواکەوتووە".

لە 1ی ئەم مانگە وەزارەتی دارایی دەستی بە دابەشکردنی مووچەی مانگی تەممووز کرد و تائێستا مووچەی ژمارەیەک وەزارەت و دامەزراوە دابەشکراوە.

خشتەی دابەشکردنی مووچە
خشتەی دابەشکردنی مووچە