سه‌ره‌ڕای گواستنه‌وه‌ی كریستیانۆش به‌ڵام قه‌یرانه‌كانیان زیاتر بووه
دوای کڕینەوەی پشکەکانی یانەی مانچێستەر یونایتد لەلایەن خانەوادەی گلیزەر کە کۆمەڵە سەرمایەدارێکی ئەمریکین، بەردەوام ئەو یانەیە تووشی قەیرانی دارایی بووەتەوە، هەرچەندە دوای گواستنەوەی کریستیانۆ رۆناڵدۆ نرخی پشکەکانیان لە بۆرسە بەرزبووەتەوە، بەڵام بەردەوام قەرزەکانی ئەو یانەیە زیادی کردوون.
لە چەند ساڵی ڕابردوودا مانچێستەر یونایتد ڕووبەڕووی قەیرانی زۆر بووەتەوە لەناو یاریگا و دەرەوەی یاریگا. لە ١٠ـی ئابی ٢٠١٢ کۆمپانیای گلایزەرز بڕیاریدا پشکەکانی یونایتد لە بۆرسەی نیویۆرک بە نرخی بنەڕەتی ١٤ دۆلار بۆ هەر پشکێک بخاتە لیستی پشکەکانەوە. ئەگەر لەو کاتەدا 1000 پاوەندت لە پشکەکانی یانەکەدا وەبەرهێنابا، ئێستا 10 ساڵ لەمەودوا نزیکەی 814 پاوەندت دەبوو.
ئەم زیانانەی پشکی یانەی مانچێستەر یونایتد لە بۆرسەدا لە کاتێکدایە، ئەو یانەیە ژمارەی فانەکانی لە تۆڕە کۆمەڵایەتیەکان سنوری یەک ملیاری تێپەڕاندووە، بەڵام هیچ سوودێکیان نەکردووە و بەردەوام زیانیان پێدەگات.
لە ساڵی 2005 دوای وردبینی کردنی هەژمارە بانکیەکانی یانەکە دەریخست کە ئەوان بێ قەرزن و قازانجیان 6 ملیۆن پاوەندە. دوای ساڵێک وەک خۆی بوو قازانجەکەیان، بەڵام ٦٠٤ ملیۆن پاوەند قەرزیان لەسەر کۆبووەوە و هەر ئەو کاتیش هۆشداریی بە یانەکە درا.
بڕی ئەم قەرزە لە ساڵی ٢٠٠٥ـەوە بەردەوام زیادی کردووە و یەکێک لە هۆکارەکانی بەکارهێنانی قەرزی PIK کە بنەماڵەی گلیزەرەکان ئەوەیە کە سوود بۆ بڕی سەرەکی زیاد دەکەن. یانەکە هەوڵیدا بڕە پارەیەک بۆ پێدانی ئەم قەرزە دابین بکات، بەڵام جارێکی دیکە ئەو قەرزە زیادی کردەوە.
یەکێتی تۆپی پێی ئەوروپا پێوەرێک بەکاردەهێنێت بەناوی (Football Net Debt) کە ئەو بڕە پارەیەی کە قەرز کراوە بە کەمکردنەوەی ئەو بڕە پارەیەی کە لەبەردەستدایە حیساب دەکات، لەگەڵ داهاتی گواستنەوە کەمکردنەوەی تێچووی کڕینەکانی یانەکە. ئەم ڕێوشوێنە بەرزترین ئاستە بۆ یونایتد لە ساڵی 2008ـەوە بەو پێیەی 184 ملیۆن پاوەندی پارەی گواستنەوەیان هەیە.
مانچێستەر یونایتد داهاتی خۆی لە 159 ملیۆن پاوەندەوە لە ساڵی 2005 بۆ 627 ملیۆن پاوەند لە ساڵی 2019 زیادکرد، تاکە ڕکابەری ڕاستەقینەی تیپەکە لە ساڵی ٢٠٠٥ چێڵسی و ئارسناڵ بوون، بەڵام لەو کاتەوە مانچستەر سیتی و لیڤەرپوول و تۆتێنهام گەشەیەکی بەرچاویان بەخۆوە بینیوە و چیتر گرەنتی ئەوەیان نییە لە چامپیۆنزلیگدا بن.
ئەو پاداشتانەی کە لە ساڵی ٢٠١٦ـەوە لەلایەن خاوەن پشکەکانەوە وەرگیراون هەوادارانی توڕە کردووە، کە هەست دەکەن دەکرا پارەکە زۆر باشتر لە شوێنەکانی دیکە خەرج بکرایە. نرخی پشكەكانی یونایتد لە ماوەی ئەم 10 ساڵە زۆر بەرز بووە و تەنانەت لە مانگی ئەیلولی ساڵی رابردوو دوای گرێبەستكردن لەگەڵ كریستیانۆ رۆناڵدۆ گەیشتە 19 دۆلار و 37 دۆلار.