مەسرور بارزانی: بنکەی رۆشنبیریی لالش خزمەتێکی بەرچاوی کولتوور و رۆشنبیری کوردی کردووە
K24 - هەولێر:
بەبۆنەی کۆتاییھاتنی کۆنگرەی چواردەی بنکەی رۆشنبیریی و کۆمەڵایەتیی لالش، مەسرور بارزانی سەرۆکی حکومەتی ھەرێمی کوردستان، پەیامێکی پیرۆزبایی ئاراستەی دەستەی نوێی بنکەی لالش کرد.
مەسرور بارزانی لە پەیامەکەیدا سەبارەت بە بنکەی رۆشنبیریی و کۆمەڵایەتیی لالش دەڵێت، بنکەی رۆشنبیریی لالش خزمەتێکی بەرچاوی کولتوور و رۆشنبیریی کوردی کردووە بەتایبەتی لە پاراستن و برەودان بە کولتووری ئێزدییان.
دەقی پەیامی پیرۆزبایی سەرۆکی حکومەتی هەرێمی کوردستان:
پەیاما پیرۆزباھیێ یا سەرۆکێ حکومەتا ھەرێما کوردستانێ بۆ دەستەیا نوی یا بنگه‌هێ لالش یێ ره‌وشه‌نبیرى و جڤاكى
بەڕێزان ل دەستەیا نوی یا بنگه‌هێ لالش یێ ره‌وشه‌نبیرى وجڤاكى:
ب ھەلکەفتا سەرکەفتنا کۆنگرەیێ چاردێ یێ بنگەھێ لالش یێ ره‌وشه‌نبیرى و جڤاكى و ھەڵبژارتنا دەستەیا نوی، گەرمترین پیرۆزباھییان ل ھەوە دکەم و ھیڤییا سەرکەفتن و بەردەوامیێ بۆ ھەوە دخوازم.
بنگەھێ لالش یێ ره‌وشه‌نبیرى و جڤاكى، خزمەتەکا بەرچاڤ یا کەلتوور و چاندا کوردی کریە نەمازە پاراستن و پێشڤەبرنا کەلتوورێ ئێزیدیاتیێ، ھیڤیدارم د خەبات و تێکۆشینا خۆ دا ژبوی خزمەتکرنا پرسێن نیشتیمانی و وەرارا پێکڤەژیانا ئاشتییانە ل ھەرێما کوردستانێ، دبەردەوام بن .
ھەر دسەرکەفتی بن.
مەسرور بارزانی
سەرۆکێ حکومەتا هەرێما کوردستانێ
10 ئاب 2022