عەبادی بۆ خۆپیشاندەران: رووبەڕووی گەندەڵکاران ببنەوە تەنانەت ئەگەر لە کەسوکاری منیش بن
K24 - هەولێر:
حەیدەر عەبادی پەیامێك ئاراستەی لایەنگرانی رەوتی سەدر و چوارچێوەی هەماهەنگی دەکات و داوایان لێدەکات، رووبەڕووی گەندەڵکاران ببنەوە تەنانەت ئەگەر لە کەسوکاری ئەویش بن.
حەیدەر عەبادی، سەرۆک وەزیرانی پێشووتری عێراق لە تویتێکدا نووسیویەتی: داوا لە نیشتمانپەروەران و لایەنگرانی هەردوو رەوتی سەدر و چوارچێوەی هەماهەنگی دەکەم، هاوکاربن بۆ چارەسەرکردنی دۆخەکە و خزمەتکردنی هاونیشتیمانیان و پێکەوە کار بۆ رووبەڕووبوونەوەی گەندەڵی و گەندەڵکاران بکەن، تەنانەت ئەگەر لە کەسوکاری منیش بن.
لە تویتەکەی سەرۆک وەزیرانی پێشووتری عێراقدا هاتووە، "ئێمە دەوڵەتێکی دادپەروەر و خزمەتکردنی خەڵکیمان دەوێت، لە دادپەروەریدا بەرفراوانی هەیە، بەڵام بژێوی، بەرژەوەندی و ئاسایشی هاونیشتیمانیان سنووردار نەکەن، لە موڵکی گشتی و تایبەتیش دووربکەونەوە."
ادعو اعزاءنا اتباع التيار والاطار والوطنيين الى التعاون والعمل معا لاصلاح الاوضاع وخدمة المواطنين ومحاربة الفساد والفاسدين وان كانوا اولي قربى. نريد دولة عدل وخدمة الناس ففي العدل سعة، لكن لا تضيقوا على المواطنين في معائشهم ومصالحهم وامنهم وابتعدوا عن الممتلكات العامة والخاصة
— Haider Al-Abadi حيدر العبادي (@HaiderAlAbadi) August 12, 2022
جگە لە خۆپێشاندانی لایەنگرانی رەوتی سەدر، ئەمڕۆ هەینی لهسهر داوای لایهنهكانی چوارچێوهی ههماههنگی خۆپیشاندان له بهغدا دەستیپێکرد. وهك ئامادهكارییهك بۆ رێگرتن له خۆپیشاندهرانی چوارچێوهكه، حكومهت دهستیكردووه به درووستكردنی بهربهست لهبهردهم ئهو رێگایانهی دهچنهوه سهر ناوچهی سهوز.
به گوێرهی زانیارییه میدیاییهكان، هێزه ئهمنییهكان به چڕی له سهر رێگه سهرهكییهكانی ناوچهی سهوز بڵاوبوونهتهوه و پردی سهرهكی گهیشتن به ناوچهی سهوزیان داخستووه.