ئانچیلۆتی كاتی وازهێنانی له راهێنه‌رایه‌تی دیاریكرد
کارلۆ ئانچیلۆتی راهێنه‌ری ئیتأڵی رایگەیاند لەدوای ریال مەدرید راهێنەرایەتی هیچ یانەیەکی دیکە ناکات و لەم یانەیە کۆتایی بە کاروانی راهێنەرایەتی دێنێت.
لە چاوپێکەوتنێکی رۆژنامەوانی لەگەڵ رۆژنامەی ئەلمێساگيرۆی ئیتاڵی، کارلۆ ئانچیلۆتی ئاشکرای کرد لە ریال مەدرید کۆتایی بە کاروانی راهێنەرایەتی دەهێنێت و لەم یانەیە خۆی خانەنشین ده‌كات.
ئانچیلۆتی هێما بۆ ئەوەش دەکات ریال مەدرید بەرزترین و باشترین و خۆشەویسترین یانەیە لە دڵیدا و شانازیە لەم یانەیە وازهێنانی رابگەیەنێت.
ئانچێلۆتی دووپاتیدەکاتەوە لەدوای ریال مەدرید راهێنەرایەتی هیچ یانەیەکی دیکە ناکات کە گرێبەستەکەی لە هاوینی 2024 لەگەڵ شاهانەکان کۆتایی دێت.
ئانچیلۆتی لە وەرزی رابردوو ناسناوی لالیگا و چامیۆنزلیگی بۆ مێرەنگی بردەوە و لە هەفتەی رابردوو یەکەمین ناسناوی بۆ شاهانەکان بردەوە و بوونە سوپەری ئەورووپا، ئانچیلۆتی له دوای گه‌ڕانه‌وه‌ی بۆ راهێنه‌رایه‌تی ریال مه‌درید له كۆی 57 یاری، 40 بردنه‌وه، 8 به‌رامبه‌ربوون و 9 دۆڕانی هه‌یه.