هادی عامری گەیشتە هەولێر
K24 – هەولێر
کەمێک پێش ئێستا هادی عامری، سهرۆكی هاوپهیمانی فهتح گەیشتە هەولێر و لە فڕۆکەخانەی نێودەوڵەتی هەولێر لەلایەن رێبەر ئەحمەد وەزیری ناوخۆی حکومەتی هەرێمی کوردستان و ژمارەیەک لە بەرپرسانی دیکە پێشوازی لێکرا.
بەگوێرەی زانیارییەکانی کوردستان24، هادی عامری لەگەڵ سەرۆک مەسعود بارزانی کۆدەبێتەوە و بارودۆخی ئێستای عێراق و ئاستەنگەکانی بەردەم پرۆسەی سیاسیی تاوتوێ دەکەن.
سەردانی عامری وەک سەرکردەیەکی چوارچێوەی هەماهەنگی بۆ هەرێمی کوردستان، هاوکاتە لەگەڵ ئاڵۆزییەکانی بەغدا و چەقبەستووی دۆخی سیاسیی عێراق.
ئەمە لەکاتێکدایە دوێنێ 13/8/2022، هادی عامری لە شاری بەغدا لەگەڵ محەمەد، حەلبووسی سەرۆکی پەرلەمانی عێراق کۆبووەوە، تەوەری سەرەکی کۆبوونەوەکەش دۆخی عێراق و کۆبووەی ئەنجومەنی نوێنەران بووە، بۆ هەڵبژاردنی سەرۆککۆمار و پێکهێنانی حکومەتی نوێی عێراق.