لە ماوەی شەش مانگدا دەست بەسەر ملیۆنێک تۆن كەرەستەی ماوە بەسەرچوودا گیراوە

K24 – هەولێر

بەڕێوەبەرایەتی چاودێری بازرگانییەکان سەر بە وەزارەتی بازرگانی و پیشەسازی حکومەتی هەرێمی کوردستان، لە ماوەی شەش مانگی یەكەمی ئەمساڵدا، دەستی بەسەر ملیۆنێک و 84 هەزار و 764 تۆن کەرستەی ماوەبەسەرچوودا گرتووە.

ئەو بەڕێوەبەرایەتییە ئاماری چالاکیی شەش مانگی یەکەمی ئەمساڵی بڵاوکردووەتەوە و بە پێی ئامارەکە، لەو ماوەیەدا 38 هەزار و 109 سەردان هەبووە 10 هەزار و 650 پسوولەی سزادانیش دەرکراون.

ئامارەکان بە پێی ئەو پارێزگا و ئیدارە سەربەخۆیانەی ناویان هاتووە، بەو شێوەیەن:

شاری هەولێر:

حەوت هەزار و 723 سەردان

لەم سەردانانەدا، 507 حاڵەتی پسوولەی سزادان دەركراوە.

دەست بەسەر 166 هەزار و 229 تۆن كەرەستەی ماوە بەسەرچوودا، گیراوە.

شاری سلێمانی: 

سێ هەزار و 806 سەردان

لەم سەردانانەدا، 223 حاڵەتی پسوولەی سزادان دەركراوە.

دەست بەسەر 804 هەزار و 229 تۆن كەرەستەی ماوەبەسەرچوودا، گیراوە.

شاری دهۆك:

نۆ هەزار و 615 سەردان ئەنجامدراوە.

لەم سەردانانەدا، 152 حاڵەتی پسوولەی سزادان دەركراوە.

88 هەزار و هەشت تۆن كەرەستەی ماوەبەسەرچوو، دەستی بەسەردا گیراوە.

ئیدارەی گەرمیان:

حەوت هەزار و 251 سەردان هەبووە.

لەم سەردانانەدا، 141 حاڵەتی پسوولەی سزادان دەركراوە.

26 هەزار و 432 تۆن كەرەستەی ماوەبەسەرچوو، دەستی بەسەردا گیراوە.