له نزیك سایلۆی مه‌خموور چه‌كدارێكی داعش كوژرا
K24 – هه‌ولێر:
له راگه‌یه‌ندراوێكدا، لیوا یه‌حیا ره‌سووڵ، گوته‌بێژی فه‌رمانده‌ی گشتیی هێزه چه‌كداره‌كانی عێراق رایگه‌یاند، له نزیك سایلۆی مه‌خمووری سه‌ر به پارێزگای نه‌ینه‌وا چه‌كدارێكی داعش كوژرا.
لیوا یه‌حیا ره‌سووڵ روونیكردووه‌ته‌وه، له‌سه‌ر راسپارده و ئاراسته‌ی بڕیاره‌كانی فه‌رمانده‌ی گشتیی هێزه چه‌كداره‌كانی عێراق، مسته‌فا كازمی، هێزه‌كانی به‌ره‌نگاربوونه‌وه‌ی تیرۆر توانیان بۆسه بۆ چه‌كدارێكی داعش دابنێن و له نزیك سایلۆی مه‌خموور كوشتیان.
گوته‌بێژی فه‌رمانده‌ی گشتیی هێزه چه‌كداره‌كانی عێراق هیچ زانیارییه‌كی زیاتری له باره‌ی ناسنامه‌ی چه‌كداره‌كه و چۆنێتی ده‌ركه‌وتنی له‌و ناوچه‌یه بڵاونه‌كردووه‌ته‌وه.