بافڵ جه‌لال تاڵه‌بانی: هەڵوێستی سه‌در رۆڵی گەورەی هەبوو لە پووچەڵکردنەوەی مەرامی فیتنە
K24 - هه‌ولێر:
بافڵ جه‌لال تاڵه‌بانی، سه‌رۆكی یه‌كێتی نیشتمانی كوردستان ستایشی هه‌ڵوێستی موقته‌دا سه‌دری كرد، بۆ كۆتاییهێنان به ئاڵۆزییه‌كانی به‌غدا و رایگه‌یاند، "هەڵوێستی حەکیمانەی سەماحەتی موقتەدا سەدر و مامەڵەی شیاوی سەرکردە و هێزە نیشتمانییەکان؛ رۆڵی گەورەیان هەبوو لە پووچەڵکردنەوەی مەرامی فیتنە و ناکۆکی".
سه‌رۆكی یه‌كێتی، رووداوەکانی شەوی رابردووی به "مەینەتی نیشتمانی" وه‌سفكرد و ئاماژه‌ی به‌وه‌شكرد، بە ئیرادە و حیکمەت ده‌كرێت ئه‌م دۆخه تێپه‌ڕێندرێت بۆ چەسپاندنی یەکڕیزی و بەردەوامیی بونیادنان.
بافڵ جه‌لال تاڵه‌بانی داوای له هه‌موو لایه‌نه‌كانیش كرد، پێکەوە هەوڵ بۆ ئاشتی و پێشکەوتن بده‌ن بۆ بونیادنانی عێراقێکی سەقامگیر و ئاوەدان بۆ هەموو پێکهاتەکان.