نێچیرڤان بارزانی: كێشهكانى عێراق به پهراوێزخستنى هيچ هێز و لايهنێكى سياسى چارهسهرنابن
K24-ههولێر:
یاریدەدەری وەزیری دەرەوەی ئەمەریكا بۆ كاروباری رۆژهەڵاتی ناوەڕاست، لهگهڵ سهرۆكى ههرێمى كوردستان، كۆبووهوه و جهختی له پابهندییهكانی واشنتن له عێراق و ههرێمى كوردستان كردهوه.
به گوێرهی راگهیهندراوی ماڵپهری سهرۆكایهتی ههرێمی كوردستان، نێچيرڤان بارزانى سهرۆكى ههرێمى كوردستان، پێشوازى له باربارا لیف یاریدەدەری وەزیری دەرەوەی ئەمەریكا بۆ كاروباری رۆژهەڵاتی ناوەڕاست و شاندێكى ياوهرى كرد.
له كۆبوونهوهيهكدا كه ئالينا رۆمانۆوسكى باڵيۆزى ئهمهريكا له بهغدا و كونسولى گشتيى ئهمهريكا له ههرێمى كوردستان و ژمارهيهك له ديپلۆماتكارانى ئهمهريكى ئامادهیبوون، پهيوهندييهكانى ئهمهريكا لهگهڵ عێراق و ههرێمى كوردستان، دوايين پێشهاتهكانى دۆخى سياسيى عێراق و ههوڵى تێپهڕاندنى سهختييهكان، پهيوهنديى ههولێر ـ بهغدا و كێشهكانى نێوانيان تاوتوێكران.
یاریدەدەری وەزیری دەرەوەی ئەمەریكا بۆ كاروباری رۆژهەڵاتی ناوەڕاست، وێڕاى گهياندنى سڵاو و رێزى جۆو بايدن سهرۆكی ئهمهریكا و وهزيرى دهرهوهى ئهم وڵاته به نێچيرڤان بارزانى، دووپاتیكردهوه كه ئهوان لێرهن بۆ جهختكردنهوه له پهيامى پابهندييان به پهيوهندييهكانى ئهمهريكا لهگهڵ عێراق و ههرێمى كوردستان.
ههروهها گوتى: ئهمهريكا به گرنگى و بايهخێكى زۆرهوه لهو پهيوهندييانه دهڕوانێت و ههموو پشتگيرييهكى وڵاتهكهى بۆ بهرقهراربوونى ئارامى و سهقامگيريى سياسى له عێراق دووپاتدهكاتهوه.
لاى خۆيهوه نێچيرڤان بارزانى، وێڕاى سوپاس و پێزانين بۆ هاوكارى و پشتگيرييهكانى ئهمهريكا له عێراق و ههرێمى كوردستان، دووپاتكردهوه، كه كێشهكانى عێراق به پهراوێزخستنى هيچ هێز و لايهنێكى سياسى چارهسهر نابن و پێويسته پێكهاتهكانى عێراق به گفتوگۆ و لێكگهيشتن، شێوازێك بۆ پێكهوهژيان و پێكهوهههڵكردن بدۆزنهوه.
نێچیرڤان بارزانی چارهسهركردنى كێشهكانى ههولێر ـ بهغدا و ههبوونى ياساى دابهشكردنى داهاتهكان و نهوت و گازى به كليلى چارهسهرى كێشهكانى عێراق و ئارامى و سهقامگيريى سياسيى وڵات له قهڵهم دا.
دووپاتیكردهوه، كه عێراق بۆ چارهسهركردنى كێشهكانى، پێويستى به گفتوگۆ و لێكگهيشتنى لايهنه سياسييهكان و پێكهاتهكانى و پشتگيريى وڵاتى دۆست ههيه.
پهيوهندييهكانى عێراق و ههرێمى كوردستان لهگهڵ وڵاتانى دراوسێ، دۆخى ناوخۆى ههرێمى كوردستان و گرنگی يهكڕيزيى لايهنه كوردستانييهكان، رهوشى ناوچهكه بهگشتى و چهند پرسێكى جێى بايهخى هاوبهش، لايهنێكى ديكهى كۆبوونهوهكه بوو.