تەقینەوەیەك لە ئامەد روویدا
K24 – ئامەد
لە ناوچەی پیرانی شاری ئامەدی باكووری كوردستان تەقینەوەیەك روویدا و ژمارەیەك كەس برینداربوون.
پەیامنێری كوردستان24 لە ئامەد رایگەیاند: "تەقینەوەیەك لە ناوچەی پیرانی ئامەد روویدا، بەوھۆیەوە 2 پۆلیسی توركیا و 5 كەسی دیكە برینداربوون".
پەیامنێرمان راشیگەیاند: "دوای تەقینەوەكە ھێزە ئەمنییەكانی توركیا لە ناوچەكەدا بڵاوەیان پێكراوە و رێوشوێنی توندی ئەمنی گیراوەتەبەر".
ھەر لەبارەی تەقینەوەكە پارێزگاری ئامەد ئاشكرای كرد: "تەقینەوەكە لە نزیك نەخۆشخانەی ناوچەی پیران روویداوە و ژمارەیەكی زۆر بریندار ھەن".