مه‌سرور بارزانی له‌گه‌ڵ باڵیۆزی رووسیا له‌ عێراق كۆبووه‌وه‌

مه‌سرور بارزانی، سه‌رۆكی حكومه‌تی هه‌رێمی كوردستان و ئیلبروس کوتراشیڤ، باڵیۆزی رووسیا له‌ عێراق | وێنه‌: هه‌ژماری فه‌رمی مه‌سرور بارزانی
مه‌سرور بارزانی، سه‌رۆكی حكومه‌تی هه‌رێمی كوردستان و ئیلبروس کوتراشیڤ، باڵیۆزی رووسیا له‌ عێراق | وێنه‌: هه‌ژماری فه‌رمی مه‌سرور بارزانی

K24 - هه‌ولێر:

مه‌سرور بارزانی، سه‌رۆكی حكومه‌تی هه‌رێمی كوردستان له‌گه‌ڵ ئیلبروس کوتراشیڤ، باڵیۆزی رووسیا له‌ عێراق كۆبووه‌وه‌.

ئه‌مڕۆ سێشه‌ممه‌ 4ـی ئۆكتۆبه‌ری 2022، مه‌سرور بارزانی، سه‌رۆكی حكومه‌تی هه‌رێمی كوردستان له‌ هه‌ولێر پێشوازیكرد له ئیلبروس کوتراشیڤ، باڵیۆزی رووسیا له‌ عێراق و شاندی یاوه‌ری.

به‌گوێره‌ی راگه‌یه‌ندراوی هه‌ژماری فه‌رمی مه‌سرور بارزانی له‌ فه‌یسبووك، له‌ كۆبوونه‌وه‌كه‌دا هه‌ردوولا تاوتوێی دوایین پێشهاته‌كانی عێراق و په‌یوه‌ندییه‌كانی هه‌رێمی كوردستان و رووسیایان كردووه‌.

‌ئه‌وه‌ش خراوه‌ته‌ڕوو، تەوەرێکی دیکەی کۆبوونەوەکە تایبەت بووه‌ بە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی لەسەر بنەمای دەستوور.


ده‌قی راگه‌یه‌ندراوی هه‌ژماری فه‌رمی مه‌سرور بارزانی، سه‌رۆكی حكومه‌تی هه‌رێمی كوردستان له‌ فه‌یسبووك:

ئەمرۆ پێشوازیمان لە بەڕێز ئیلبروس کوتراشیڤ باڵیۆزی ڕووسیا لە عێراق و شاندێکی یاوەری کرد

لە کۆبوونەوەکەدا، گفتوگۆمان دەربارەی بارودۆخیی گشتی عێراق و ناوچەکە و پەیوەندییەکانی هەرێمی کوردستان و ڕووسیا کرد.

تەوەرێکی دیکەی کۆبوونەوەکەمان، تایبەت بوو بە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی لەسەر بنەمای دەستوور.