له چالاكییهكی دیموكراسیدا مهسرور بارزانی وهڵامی پرسیاری ژمارهیهك هاووڵاتی دهداتهوه
K24 - هەولێر:
بۆ بەشداریکردن لە چالاکییەکی دیموکراسییانە، ژمارهیهك هاووڵاتی هەرێمی کوردستان بۆ "گفتوگۆكردن لەگەڵ سەرۆکوەزیرانی ههرێمی كوردستان" بانگهێشتدهكرێن.
بەشداربووان دەرفەتی ئەوەیان بۆ دهرهخسێت ئازادانە و بەپێی خواستی خۆیان پرسیار لە سەرۆکوەزیران بکەن.
بۆ دڵنیابوون لەوەی کە سەرۆکوەزیران لە بەرامبەر هاووڵاتییاندا خۆی بە بەرپرسیار دەزانێت، بهشداربووان لە کەسانی جۆراوجۆر لە هەڵوێست و بیروڕای سیاسی جیاواز پێکهاتوون.
لهلایهن دامەزراوەیەکی سەربەخۆوه، ئەرکی دەستنیشانکردنی بەشداربووان بۆ ئهو گفتوگۆیه لە ئەستۆ گیراوه، كه بڕیاره سبهی ههینی كاتژمێر 7:00ـی ئیواره بهكاتی ههولێر له شاشهی كوردستان24 پهخشبكرێت.
پێشتریش مهسرور بارزانی سهرۆكوهزیرانی ههرێمی كوردستان، له چهندین گفتوگۆی راستهوخۆ لهگهڵ رۆژنامهنووسان و قوتابیان بهشداربووه، به شێوهیهكی ئازادانه پرسیار و تێڕوانینهكان خراونهتهڕوو.