نێچیرڤان بارزانی و نادیه موراد تاووتوێی دۆخی شنگالیان كرد
K24 - هه‌ولێر:
نێچیرڤان بارزانی سه‌رۆكی هه‌رێمی كوردستان و نادیه موراد چالاكوانی ئێزدی و باڵیۆزی نیازپاكی له‌نه‌ته‌وه‌یه‌كگرتووه‌كان، له‌باره‌ی دۆخی شنگال و ئێزدییه ونبووه‌كان، گفتوگۆیانكرد.
له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر، نێچیرڤان بارزانی سه‌رۆكی هه‌رێمی كوردستان، نووسیوویه‌تی: "ئه‌مڕۆ له‌گه‌ڵ نادیه موراد چالاكوانی ئێزدیدا كۆبوومه‌وه، باسمان له هه‌زاران ئێزدی ونبووكرد".
ده‌شڵێت: " تاووتوێی هەماهەنگیكردن بۆ رزگارکردنی ئێزدییه ونبووه‌كانمان كرد، هەروەها باسمان لە دۆخی شنگال و هەوڵەکان بۆ یارمەتیدانی رزگاربووانی کۆمەڵکوژی ئێزدییه‌كان کرد".
نادیه موراد رزگاربووی ژێر ده‌ستی داعشه، وه‌ك باڵیۆزی نیازپاكی له نه‌ته‌وه‌یه‌كگرتووه‌كان كار ده‌كات، هه‌روه‌ها خاوه‌نی خه‌ڵاتی نۆبڵه بۆ ئاشتی.
Today I met with Yezidi Activist Nadia Murad. We discussed the thousands of still missing Yezidis and importance of coordinating rescue efforts. We also spoke about the situation in Sinjar, and her efforts to help survivors of genocide. pic.twitter.com/lQKSGNjbYD
— Nechirvan Barzani (@IKRPresident) October 11, 2022