کەشناسی: باران دەبارێت
K24 – هەولێر
بەگوێرەی پێشبینییەکانی کەشناسی ئاسمانی هەرێمی کوردستان دەگۆڕێت بۆ نیمچە هەور و هەوری تەواو، لە هەندێک کات و شوێندا ئەگەری بارانبارین هەیە.
بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند، ئەمڕۆ شەممە ئاسمان پەڵە هەور و نیمچە هەور دەبێت، لە کاتەکانی شەودا دەگۆڕێت بۆ هەوری تەواو، لەگەڵ ئەگەری بارینی نمە باران لە ناوچە شاخاوییە سنوورییەکان.
لەبارەی کەشوهەوای سبەی یەکشەممە کەشناسی پێشبینی دەکات، رۆژی یەکشەممە 16/10/2022، ئاسمان نیمچە هەور دەبێت، پلەکانی گەرما بەرز دەبێتەوە بە بەراورد بە تۆمارکراوەکانى رۆژى پێشوو بە 1 پلە، خێراى با مامناوەند دەبێت (10 - 20) کیلۆمەتر لە یەک کاتژمێردا.
بەرزترین پلەکانی گەرمای پێشبینیکراو بە پلەی سیلیزی بەمشێوەیە دەبێت:
هەولێر: 35 پلەى سیلیزى
سلێمانی: 34 پلەى سیلیزى
دهۆک: 34 پلەى سیلیزى
کەرکووک: 37 پلەى سیلیزى
هەڵەبجە: 36 پلەى سیلیزى
زاخۆ: 35 پلەى سیلیزى
سۆران: 33 پلەى سیلیزى
گەرمیان: 39 پلەى سیلیزى