کەشناسی: لە هەندێک ناوچە بەلێزمە باران دەبێت
K24 – هەولێر
شەپۆلێکی بارانبارین ناوچەکانی هەرێمی کوردستانی گرتووەتەوە و کەشناسی رایدەگەیەنێت، لە هەندێک هەندێک ناوچە بەلێزمە باران دەبێت.
بەڕێوەبەرایەرایەتی کەشناسی و بومەلەرزەزانی هەرێمی کوردستان پێشبینییەکانی بۆ 48 کاتژمێری داهاتوو بڵاوکردەوە و رایگەیاندووە، ئەمڕۆ ئاسمان بەگشتی هەور دەبێت لەگەڵ بروسکە و تاوەبارانی جیاجیا لەناوچەکانی ناوەڕاست و رۆژهەڵاتی (پارێزگاکانی هەولێر و سلێمانی) لە ناوچە شاخاوییە سنوورییەکانی باکووری خۆرهەڵات دابارین زیاترە بەشێوەی لیزمە باران دەبێت، لەکاتەکانی ئێوارە کەشەکە جێگیر دەبێتەوە ئاسمان بۆ پەڵە هەور دەگۆڕێت.
کەشناسی راشیگەیاندووە، پلەی گەرما کەمێک نزم دەبێتەوە بە (1-2) پلە بە بەراوورد بە تۆمارکراوەکانى رۆژى پێشوو.
سەبارەت بە کەشوهەوای سبەی کەشناسی پێشبینی کردووە، رۆژی سێشەممە ئاسمانی هەرێمی کوردستان ساماڵ و پەڵە هەور دەبێت.
بەرزترین پلەکانی گەرمای پێشبینیکراو بە پلەی سیلیزی بەمشێوەیە دەبێت:
هەولێر : 26 پلەى سیلیزى
سلێمانی : 25 پلەى سیلیزى
دهۆک : 25 پلەى سیلیزى
کەرکوک: 29 پلەى سیلیزى
هەڵەبجە : 26 پلەى سیلیزى
زاخۆ : 25 پلەى سیلیزى
سۆران : 21 پلەى سیلیزى
گەرمیان: 30 پلەى سیلیزى