مەسرور بارزانی پهیوهندییهكی تهلهفۆنی لهگهڵ مستهفا كازمی كرد
K24 - هەولێر:
مەسرور بارزانی، سەرۆکی حکومەتی هەرێمی کوردستان لە تویتێکدا رایگەیاند، ئەمشەو لەگەڵ سەرۆکوەزیرانی پێشووی عێراق قسەی کردووە و لەپای خزمەتکردنی بە نیشتمان سوپاسی کردووە.
سەرۆکی حکومەتی ههرێمی كوردستان لە تویتەکەیدا نووسیویەتی: ئەمشەو لەگەڵ هاوڕێم، مستەفا کازمی، سەرۆکوەزیرانی پێشووی عێراق قسەمکرد و لەپای سەرکردایەتیکردن و خزمەتکردنی وڵات سوپاسم کرد.
مەسرور بارزانی لەبارهی مستەفا کازمییهوه رایگهیاند، سەرەڕای ههموو بهربهست و ئاستەنگهكان و دروستبوونی مەترسی لهسهر خۆی، لەسهر رێچکەی كاركردنی خۆی بەردەوامبوو.
هەروەها سەرۆکی حکومەتی هەرێمی کوردستان هیوای سەرکەوتنی بۆ مستەفا کازمی، سەرۆکوەزیرانی پێشووی عێراق خواست.
Tonight, I spoke to my friend, outgoing Iraqi PM @MAKadhimi to thank him for his leadership and service to the country.
— Masrour Barzani (@masrourbarzani) October 28, 2022
Against the odds, and at times at the risk of his own personal safety, he stayed the course.
I wish him all the best -mb.
رۆژی پێنجشهممه (27ی تشرینی یهكهم/ئۆكتۆبهری 2022)، به ئامادهبوونی (253) پهرلهمانتار، ئهنجوومهنی نوێنهرانی عێراق متمانهی به دهستبهكاربوونی (21) وهزارهت له كابینهی نوێی حكومهتی عێراق به سهرۆكایهتی محهممهد شیاع سوودانی بهخشی و دوو پۆستی وهزاریش بۆ دانیشتنهكانی داهاتووی ئهنجوومهنهكه دواخرا.
ئهمهش دوای ئهوه هات كه رۆژی (13ی تشرینی یهكهم/ئۆكتۆبهری 2022)، لهتیف رهشید، سهرۆك كۆماری عێراق بۆ پێكێهێنانی حكومهتی نوێی عێراق، محهممهد شیاع سوودانی، وهك كاندیدی لایهنهكانی چوارچێوهی ههماههنگی راسپێردرا.
ههر ئهمڕۆ له تویتێكدا، محهممهد شیاع سوودانی دهستبهكاربوونی له پۆستی سهرۆك وهزیران و دهستاودهستكردنی دهسهڵاتی لهگهڵ مستهفا كازمی راگهیاند.
لهلایهن خۆشیهوه، مستهفا كازمی، سهرۆك وهزیرانی پێشووی عێراق، دوێنێ پێنجشهممه (27ی تشرینی یهكهم/ئۆكتۆبهری 2022)، له پهیامێكدا رایگهیاند، "بەرپرسیاریهتیمان هەڵگرت و ئەرکی نیشتمانی خۆمان بەجێ هێنا، لە ئێستاوە سپاردەکە رادەستی محەمەد شیاع سوودانی دەکەین. هەموو هیوایەکی سەرکەوتن بۆ خۆی و تیمە حکومییەکەشی دەخوازین".