ئێران: كار بۆ گێڕانه‌وه‌ی سامانی بلۆك كراوی وڵات ده‌كه‌ین

ئاڵای كۆماری ئیسلامی ئێران
ئاڵای كۆماری ئیسلامی ئێران

K24 – هه‌ولێر:

پارێزگاری بانكی ناوه‌ندی كۆماری ئیسلامی ئێران، عه‌لی ساڵح ئابادی، رایگه‌یاند، له‌ دانووستان به‌رده‌وامین بۆ ئه‌وه‌ی پاره‌ی بلۆك كراوی ئێران له‌ ده‌ره‌وه‌ی وڵات بگه‌ڕێنینه‌وه‌.

ئابادی له‌ لێدوانێكی رۆژنامه‌وانیدا، گوتی: ئه‌گه‌ر گه‌یشتینه‌ رێككه‌وتن، له‌ واده‌ی خۆیدا ئه‌نجامی دانووستانه‌كان ئاشكرا ده‌كه‌ین.

روونیكرده‌وه‌، وه‌زاره‌تی ده‌ره‌وه‌ی كۆماری ئیسلامی ئێران به‌رپرسیارێتی به‌دواداچوونی سامانی بلۆك كراوی ئێرانی له‌ ئه‌ستۆیه‌.