زیانە گیانییەکانی هێرشە مووشەکیەکی ئێران بۆ سەر کۆیە راگەیەندرا
K24 – هەولێر
بەگوێرەی ئامارە سەرەتاییەکان بەهۆی هێرشە مووشەکیەکەی ئێران بۆ سەر قەزای کۆیە، شەهیدێک و هەشت بریندار هەن.
سامان بەرزنجی وەزیری تەندروستی حکومەتی هەرێمی کوردستان رایگەیاند، تائێستا شەهیدێک و هەشت بریندار گەیەندراونەتە نەخۆشخانەی کۆیە، ئەمبوڵاس و تیمەکانی پزیشکی سەرقاڵی چارەسەرکردنی بریندارەکانن.
وەزیری تەندروستی دەشڵیت: "لەسەر هێڵین بۆ رەوانەکردنی تیمی ئەمبوڵانسی زیاتر".
ئاماژەی بەوەشداوە، پێشبینی دەکرێت ژمارەی بریندار و شەهید زیاتر بن.
سەر لە بەیانی ئەمڕۆ دووشەممە 14/11/2022، ئێران چەند مووشەکێکی ئاراستەی بارەگاکانی حزبی دیموکراتی کوردستانی ئێران لە کۆیە کرد.