سهرۆكی حكومهتی ههرێمی كوردستان پێشوازی له سهرۆك كۆماری عێراق دهكات
K24 – ههولێر:
سهرۆكی حكومهتی ههرێمی كوردستان پێشوازی له سهرۆك كۆماری عێراق كرد و له دیدارێكدا ههردوولا جهختیان لهسهر دەستپێکردنەوەی گفتوگۆ و دانوستان كردهوه بۆ چارەسەرکردنی کێشەکانی نێوان ههولێر و بهغدا.
ئەمڕۆ سێشەممە (15ی تشرینی دووهم/نۆڤێمبەری 2022)، مەسرور بارزانی سەرۆکی حکومەتی هەرێمی کوردستان پێشوازی لە لەتیف ڕەشید سەرۆک کۆماری عێراق کرد.
لە کۆبوونەوەکەدا گفتوگۆ دەربارەی دوایین گۆڕانکاری و پێشهاتەکانی عێراق و ناوچەکە و گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی، بە شێوەیەکی بنەڕەتی و لە سەر بنەمای دەستوور و لە چوارچێوەی کارنامەی وەزاری حکومەتی نوێی فیدراڵی کرا.
ههروهها جەختیش لەوە کرایەوە کە شاندێکی حکومەتی ھەرێمی کوردستان سەردانی بەغدا دەکات بەمەبەستی دەستپێکردنەوەی گفتوگۆ و دانوستان لەبارەی چارەسەرکردنی کێشەکان.
لە تەورێکی دیکەی کۆبوونەوەکەدا، باس لە گرنگی پاراستنی ئاسایش و سەقامگیریی و سەروەری عێراق کرا.