کەشناسی باری کەشوهەوای دوو رۆژی راگەیاند
K24 – هەولێر
بەگوێرەی پێشبینییەکانی کەشناسی، ئەو شەپۆلە بارانبارینەی ناوچەکەی گرتووەتەوە، ئەمڕۆ کاریگەری لەسەر هەرێمی کوردستان بەردەوام دەبێت.
بەڕێوەبەرایەتی کەشناسی و بومەلەرزەزانی هەرێمی کوردستان پێشبینییەکانی کەشوهەوای 48 کاتژمێری رایگەیاند و بەپێی پێشبینییەکان ئەمڕۆ پێنجشەممە ئەمڕۆ بە گشتى ئاسمان نیمچە هەور دەبێت، کاریگەرى ئەو شەپۆلە بارانبارینەى رووى لە ناوچەکە کردووە لەسەر بەشێک لە سنوورى پارێزگاى سلێمانى و پارێزگاى هەڵەبجە بە لاوازى دەمێنێتەوە، نمە بارانى پچڕ پچڕ لەسەر بەشێک لە ناوچەکانى سنوورى ئەو دوو پارێزگایە دەبارێت. لەگەڵ بەشێک لە ناوچە شاخاوییەکانى سنوورى پارێزگاى هەولێر و دهۆک ئەگەرێکى کەمى نمە بارانى دەبێت، لە ئێوارەدا کۆتاى بە کاریگەرى ئەم شەپۆلە دێت و ئاسمانى تەواوى ناوچەکەمان دەگۆڕێت بۆ پەڵە هەور و نیمچە هەور.
سەبارەت بە کەشوهەوای سبەی کەشناسی پێشبینی کردووە، سبەی هەینی 18/11/2022، ئاسمان لە سەنتەرى پارێزگاکان ساماڵ و پەڵە هەور دەبێت، لە ناوچە شاخاوییەکان نیمچە هەور دەبێت، هەروەها لەکاتەکانی بەیانی زوودا ئەگەری دروستبوونی تەم هەیە.
بەرزترین پلەکانی گەرمای پێشبینیکراو بە پلەی سیلیزی:
هەولێر : 18 پلەى سیلیزى
سلێمانی: 14 پلەى سیلیزى
دهۆک : 14 پلەى سیلیزى
کەرکوک: 20 پلەى سیلیزى
هەڵەبجە: 15 پلەى سیلیزى
زاخۆ : 16 پلەى سیلیزى
سۆران : 13 پلەى سیلیزى
گەرمیان: 20 پلەى سیلیزى