له بێخاڵ پاسێكی گه‌شتیاران تووشی رووداوی هاتووچۆ بوو
K24 – هه‌ولێر:
پاسێكی گه‌شتیاران له هاوینه‌هه‌واری بێخاڵ له ئیداره‌ی سه‌ربه‌خۆی سۆران تووشی رووداوێكی هاتووچۆ بووه و به‌هۆیه‌وه ژماره‌یه‌ك قوربانی لێده‌كه‌وێته‌وه.
ئه‌مڕۆ هه‌ینی (18ی تشرینی دووه‌م/نۆڤێمبه‌ری 2022)، له رووداوێكی هاتووچۆ له هاوینه‌هه‌واری بێخاڵ له سۆران، پاسێكی گه‌شتیاران كۆنترۆڵی له‌ده‌ستده‌دات و چه‌ند كه‌سێك بریندارده‌بن.
به‌پێی ئاماره سه‌ره‌تاییه‌كان 15 كه‌س برینداربوون، كه سه‌رجه‌م گه‌شتیاره‌كانی ناو پاسه‌كه ژماره‌یان 40 گه‌شتیاره خه‌ڵكی ناوه‌ڕاست و باشووری عێراقن.
رووداوه‌كه به‌هۆی نه‌مانی برێكه‌وه بووه و پاسه‌كه خۆی به ئۆتۆمبێلێك و دوكانێكدا كێشاوه.