ئەندامانی دەستەی کارگێڕی مه‌كته‌بی سیاسی پارتی دیاریکران

ئـــه‌ندامـــانی ده‌ســـته‌ی كارگێڕی مه‌كته‌بی سیاسی پارتی دیموكراتی كوردستان
ئـــه‌ندامـــانی ده‌ســـته‌ی كارگێڕی مه‌كته‌بی سیاسی پارتی دیموكراتی كوردستان

K24 - هه‌ولێر:

ئەندامانی دەستەی کارگێڕی مه‌كته‌بی سیاسی پارتی دیاریکران و بڕیاره‌ له‌ كۆبوونه‌وه‌كانی داهاتوودا بەرپرسی مەکتەبی رێکخستنی پارێزگاکان دیاریبکرێن.

ئه‌مڕۆ شه‌ممه‌ 19ـی تشرینی دووه‌می 2022، سەرچاوەیەک لە مەکتەبی سیاسی پارتی دیموكراتی كوردستان بە كوردستان24ـی راگه‌یاند، لە کۆبوونەوەی ئەمڕۆی مەکتەبی سیاسی پارتیدا، ئەندامانی دەستەی کارگێڕی دیاریکران.

له‌باره‌ی ناوی ئه‌ندامانی ده‌سته‌ی كارگێڕی پارتی، سه‌رچاوه‌كه‌ رایگه‌یاند، ئەندامەکان بریتین لە فازڵ میرانی، هۆشیار زێباری، ئازاد بەرواری، مەحموود مەحەمەد و سیداد بارزانی.

به‌گوێره‌ی زانیارییه‌كانی كوردستان24، له‌ كۆبوونه‌وه‌كانی داهاتوودا بەرپرسی مەکتەبی رێکخستنی پارێزگاکان دیاریده‌كرێن.