خلووسی ئاكار: تا ئێستا 326 چەکداری پەکەکه و یەپەگه کوژراون

وه‌زیری به‌رگری توركیا، خلووسی ئاكار
وه‌زیری به‌رگری توركیا، خلووسی ئاكار

K24 – هه‌ولێر:

خلووسی ئاكار وه‌زیری به‌رگری توركیا رایده‌گه‌یه‌نێت، ئۆپەراسیۆنەکان لە باکووری سووریا لەڕێگەی وشکانی و ئاسمانییەوە بەردەوامن.

ئه‌مڕۆ (هه‌ینی 25ـی تشرینی دووه‌م/نۆڤێمبه‌ری 2022)  خلووسی ئاكار وه‌زیری به‌رگری توركیا رایگه‌یاند، له ئۆپەراسیۆنی چنگ - شمشێردا تا ئێستا 326 چەکداری پەکەکه و یەپەگه کوژراون و ئۆپەراسیۆنەکانیش بەردەوامن.

رەتیشیدەکاتەوە، هیچ خاڵێکی چاودێری ئەمه‌ریکییان لە باکووری سووریا بۆردومانکردبێت.

هێرشه‌كانی توركیا، دوای ئەوە دێت رۆژی (13ـی تشرینی دووه‌م/نۆڤێمبه‌ری 2022)، تەقینەوەیەک لە شەقامی ئیسقلالی شاری ئیستانبوڵ روویدا، لە ئەنجامدا شەش کەس گیانیان لەدەستدا و زیاتر لە 80 کەسی دیکە برینداربوون، دوای رووداوەکە وەزارەتی ناوخۆی تورکیا پەکەکە و پەیەدەی بە ئەنجامدانی تەقینەوەکە تۆمەتبار کرد و رایگەیاند، ئەنجامدەری تەقینەوەکەیان دەستگیرکردووە و "بڕیاری تەقینەوەکە لە کۆبانێ دراوە و ئەنجامدەرەکە لە عەفرینەوە هاتووەتە ناو خاکی تورکیا".