باكووری كوردستان.. له‌هه‌ردوو پارێزگای وان و هه‌كاری به‌فربارین ده‌ستیپێكرد
K24 – هه‌ولێر:
ئاژانسی ئه‌نادۆڵی توركی بڵاویكرده‌وه، لە هه‌ردوو پارێزگای وان و هەکاری، به‌فربارین ده‌ستیپێكرد، به‌رزاییه‌كان سپیپۆش كرد.
به گوێره‌ی زانیارییه‌كانی ئاژانسی ئه‌نادۆڵی توركی، تیمەکانی رێگاوبان بەهۆی بارینی بەفر لە ناوچە بەرزەکانی هەریەک لە قەزاکانی باهچەسەرای، باشکالە، گورپنار و چاتاک لە پارێزگای وان، دەستیان بە کاری پاککردنەوە و راماڵینی بەفر کرد.
جیا له‌وه‌ش لە پارێزگای هەکاری، بە درێژایی دوێنێ هه‌ینی بارانباری و ئەمڕۆ 26ـی تشرینی دووه‌م/نۆڤێمبه‌ری 2022، بارینی بەفر لە ناوچەکە ده‌ستیپێكرد.
بەهۆی بارینی بەفر ناوەندی پارێزگای هه‌كاری سپی پۆش بوو و ئاستەنگ بۆ هاتووچۆ لە رێگای یوکسەکۆڤا-شەمزینان دروستبوو.
له‌ماوه‌ی 24 كاتژمێری رابردووش شه‌پۆلێكی بارانبارین رووی له ته‌واوی شاره‌كانی هه‌رێمی كوردستان كرد، له‌مباره‌یه‌وه وه‌زاره‌تی گواستنه‌وه و گه‌یاندنی حكومه‌تی هه‌رێمی كوردستان له راگه‌یه‌ندراوێكدا رێژه‌ی بارانبارین (به ملیمه‌تر) بڵاوكرده‌وه، كه به‌م شێوه‌یه‌ی خواره‌وه بوو:
هه‌ولێر: 25.9 ملیمه‌تر
سلێمانی: 28 ملیمه‌تر
دهۆك: 15.7 ملیمه‌تر
كه‌ركووك: 50.8 ملیمه‌تر
هه‌ڵه‌بجه: 40.3 ملیمه‌تر
كه‌لار: 29.8 ملیمه‌تر
سۆران: 53.4 ملیمه‌تر
پیرمام: 50.1 ملیمه‌تر
شه‌قڵاوه: 58.5 ملیمه‌تر
زاخۆ: 41.8 ملیمه‌تر
ئاكرێ: 29 ملیمه‌تر
چه‌مچه‌ماڵ: 58.8 ملیمه‌تر
دوكان: 58.2 ملیمه‌تر
بازیان: 56.4 ملیمه‌تر
شه‌مامك: 36.6 ملیمه‌تر
خه‌بات: 10.4 ملیمه‌تر
حاجی ئۆمه‌ران: 54.8 ملیمه‌تر
بامه‌ڕنێ: 36.2 ملیمه‌تر
كانی ماسی: 28.2 ملیمه‌تر
مانگیش: 25.6 ملیمه‌تر
هه‌ڵشۆ: 61.4 ملیمه‌تر
خا‌نه‌قین: 26.7 ملیمه‌تر