سەرۆکی ھەنگاریا ھەرێمی کوردستانی بەجێھێشت و گەڕایەوە وڵاتەکەی
K24 – هه‌ولێر:
ئێوارەی ئەمڕۆ شەممە 10ی دیسێمبەر، لە ڕێورەسمێکی تایبەتدا بە ئامادەبوونی مەسرور بارزانی سەرۆکی حکومەتی ھەرێمی کوردستان، سەرۆکی ھەنگاریا کاتالین نۆڤاک دوای سەردانێکی دوو رۆژە، ھەرێمی کوردستانی بە جێھێشت و گەڕایەوە وڵاتەکەی.
لە سەردانەکەیدا بۆ ھەرێمی کوردستان، سەرۆکی ھەنگاریا لەگەڵ سەرۆکی ھەرێمی کوردستان و سەرۆکی حکومەت کۆبووەوە و قوتابخانەی مێلتۆی نێودەوڵەتی لە قەزای عەنکاوەی سەر بە ھەولێر لە رێورەسمێکدا بە ئامادەبوونی سەرۆکی حکومەت کردەوە.
