فێردیناند براوەی مۆندیالی 2022 دهستنیشان دهكات
ڕیۆ فێردیناند بەرگریکاری پێشووی ئینگڵاند و مانچێستەر یونایتد، بهربژێری دڵخوازی خۆی بۆ بردنەوەی جامی جیهانی قەتەری ٢٠٢٢ـی نێوان ئارجێنتینا و فەرەنسا ئاشکرا کرد.
بڕیاره رۆژی یەکشەممەی داهاتوو له كاتژمێر 06:00ـی ئێواره به كاتی ههولێر، یاریی كۆتایی جامی جیهانی 2022 له نێوان فەرەنسا و ئارجێنتینا لە یاریگای لۆسێل بهڕێوهبچێت.
فەرەنسا دوای ئەوەی لە قۆناغی پێش کۆتاییدا بە ئەنجامی 2-0 لە مەغریبی بردەوە، گەیشتە یاری کۆتایی مۆندیال، له بهرامبهردا ئارجێنتیناش لە هەمان قۆناغدا لەسەر حیسابی هەڵبژاردەی کرواتیا بە ئەنجامی 3-0 سەرکەوتنی بەدەستهێنا.
فێردیناند لە چاوپێکەوتنەکەیدا لەگەڵ ڕادیۆی "بی بی سی"ـی بەریتانیا، رایگهیاند ئهستێرهكانی مۆندیال بهختیان ههیه هاوشانی لیۆنێل مێسی یارییان كردووه.
فێردیناند گوتیشی: کاتێک پرسیار دەکرێت، کێ باشترە، مێسی یان مارادۆنا، و خەڵک دەڵێن مێسی جامی جیهانی نەبردەوە، پێموایە کە ئەم پاڵەوانێتییە ڕەنگە دەرفەتی ناوازەی ئەو بێت بۆ بەدەستهێنانی ئەم نازناوە، بۆیه ئارجێنتینا به نزیكتر دهبینم بۆ بردنهوهی نازناوهكه.