تەقینەوەی بۆمبێكی چێندراو کوژرانی نۆ پۆلیسی فیدراڵی لێکەوتەوە
K24 - هەولێر:
لە نزیك گوندی سەفرەی سنوری شارەدێی رەشاد لە باشووری كەركووك لەكاتی تێپەڕبوونی كاروانێكی هێزەكانی پۆلیسی فیدراڵ بۆمبێكی چێندراو تەقییەوە.
بە گوێرەی زانیارییەکانی پەیامنێری کوردستان24، لەئاكامی تەقینەوەکدا نۆ پۆلیس گیانیان لەدەستدا و دوو کەسی دیكەش برینداربوون.
سەرچاوەیەكیش لە پۆلیسی كەركووك بەكوردستان24ـی راگەیاند، دوای تەقینەوەی بۆمبەكە رووبەڕووبوونەوەش لەنێوان چەكدارانی داعش و هێزەكەی پۆلیسی فیدراڵ روویداوە و چەكدارێكی داعش كوژراوە.
سەرچاوەکە گوتیشی: "هێرشەكە لە سنووری گوندی سەفرە لە نزیك زنجیرە چیای حەمرین روویداوە".