پاریس.. له‌ نزیك سه‌نته‌رێكی رۆشنبیریی كوردیی سێ كه‌س كوژران

پۆلیسی فه‌ره‌نسا
پۆلیسی فه‌ره‌نسا

K24 – هه‌ولێر:

له‌ نزیك سه‌نته‌رێكی رۆشنبیریی كوردیی له‌ شاری پاریسی پایته‌ختی فه‌ره‌نسا له‌ ئاكامی رووداوێكی ته‌قه‌كردندا سێ كه‌س گیانیان له‌ده‌ستدا و سێ كه‌سی دیكه‌ برینداربوون.

ئاژانسی هه‌واڵی فرانس پرێس بڵاویكرده‌وه‌، ئه‌مڕۆ هه‌ینی له‌ بازنه‌ی ده‌یه‌می پاریس له‌ ئاكامی رووداوێكی ته‌قه‌كردن سێ كه‌س كوژران و سێ کەسی دیكه‌ برینداربوون و برینی دووان له‌ برینداره‌كان سه‌خته‌.

داواكاری گشتیی پاریس رایگه‌یاند، دۆسیه‌ی لێكۆڵینه‌وه‌ بۆ ئه‌و تاوانه‌ كراوه‌ته‌وه‌ و لێكۆڵینه‌وه‌ ده‌ستیپێكردووه‌ و هێرشکارەکە دەستگیرکراوە. 

پۆلیسی پاریس لەبارەی دەستگیرکردنی هێرشکارەکەوە ئاشکرایکرد، پیاوێکی تەمەن 69 ساڵە و پێشتریش هێرشیکردووەتە سەر ناوەندێکی پەنابەران.

ئاماژەی بەوەشدا، هێرشکارەکە دووجار هەوڵی خۆکوشتنی داوە و هیشتا هۆکاری هێرشەکە دیار نییە.